'Jon Mirande, olerkaria' liburua irakurgai, Euskaltzaindiaren webgunean

| Ikusi handiago | Argazki originala

Txomin Peillen euskaltzainaren Jon Mirande, olerkaria liburua sarean ipini barri dau Euskaltzaindiak, eta Akademiaren webgunean konsultau daiteke, hemen. Euskaltzainak bildumaren 18. zenbakia da, hain zuzen be.

Jon Mirande, olerkaria liburua liburuan, Peillenek aukeratutako berrogeita bi olerki batu dira, frantsesez eta euskeraz.

Poemok lau gairen arabera sailkatu dira: Thanatos (heriotzea), Eros (sexua), Mythos (mitologia) eta Satyra (satirea). Mirandek olerki gehienak euskeraz idatzi zituan, halanda ze, liburuan jaso diranak frantsesera itzuli dira. Erdaldunentzat egin dot liburu hau -dino Peillenek-, baina pasetean euskaldunek be erabilteko moduan, hizkuntza bitan da. Jon Mirande, poète parisien" da liburuaren frantsesezko izenburua.