Lurrunezko trena egunero ibiliko da martxan Aste Santuan

| Ikusi handiago | Argazki originala

Azpeitiko Burdinbidearen Euskal Museoak lurrunezko trenen zerbitzu berezia eskainiko dau egunero Aste Santuan. Lurrunezko tren-makinea trenbidera bueltauko da jaiegunetako eskariari erantzuteko. Apirilaren 17tik 21era, biak be tartean, lurrunezko tren bi ipiniko ditue martxan egunero. Urteerea Azpeitian bertan izango da, 12:00etan eta 17:30ean.

Ganera, Aste Santuko oporretako egun guztietan ordutegi berezia eukiko dau museoan, Pazko Astelehenean bere bai. Ondoko ordutegia eizango dau egunotan museoak: apirilaren 17tik 21era,10:30etik 14:00etara; eta, 16:00etatik 19:30era.

Aste Santu ostean, lurrunezko trenak astegoienero ibiliko dira, zemendiaren 2ra arte, zapatuetan 12:30ean eta 18:00etan, eta domeka eta jaiegunetan 12:30ean. Dana dala, urteko edozein egunetan lurrunezko trena alokatzeko aukerea be badago.