22 ikastaro, UEUren udagoieneko eskaintzan

Argazkia: UEU | Ikusi handiago | Argazki originala

Publiko guztiari zuzendutako kursoak dakarz UEUk udagoienean, hainbat gai eta arlo lantzeko asmoz. Ohiko moduan, ikastaro guztiak euskeraz izango dira. Moltso bitan sailkatu leitekez: Batetik, presentzialak, egoitza jakin baten emongo diranak; bestetik, on-line erakoak, hau da, interneten bidez norbere etxetik egitekoak.

Presentzialei jagokenez, Eibarren eta Iruñean izango dira gehienak, baina Azpeitian ikastaro bi antolatu ditue: Argazki kontakizuna, istorioak garatzeko estrategiak eta Gaitasun sortzaileari ateak irekitzen. Beste egoitza bietan, besteak beste, adimen emozionala, argazkigintzea, paisajeak, produktibidadea, umeen hezkuntzea, musikea, feminismoa eta arkitekturea landuko dira.

Internet bidez, ostera, zazpi kurso eskaintzen ditu UEUk oraingo honetan, tartean, deigarria da Tribuaren berbak telebista saioan oinarritutako sekuentzia didaktikoa ikasgelara egokitzeko atondu dabena. Matematikea, bardintasuna eta teknologia barriak jorratuko ditue on-line bidezko ganerako ikastaroetan.

Matrikulea egiteko epea zabalik dagoala jakin eragin dau UEUk. Epeak eta prezioak ikastaro bakotxaren araberakoak dira. Kurso guztien zerrendea eta datuak, hemen.