Cicatriz talde mitikoaren disko guztiak berrargitaratu ditue

| Ikusi handiago | Argazki originala

Zika records zigiluak argitaratutako disko guztiak eskuragarri ipini barri ditu Oihuka-Elkar etxeak, bai euskarri fisikoan bai euskarri digitalean (spotify, i-tunes eta abar). Natxo Cicatrizek sustatutako diskoetxeak 1990eko hamarkadan kaleratutako lau diskoak deskatalogauta egon dira; orain, berreskuratu, birmasterizau eta berrargitaratu egin ditue Zika records-en lizentzia esklusiboagaz.

Cicatriz taldea Gasteizen sortu zan, 1983an, Rock Radical Vasco dalakoaren sasoian. Hasieran Cicatriz en la matriz euken izena. Natxo Etxebarrieta eta haren neska-lagun Potik sortu eben taldea; ostean, Pakito Rodrigo eta Pedrito (Pedro Landatxe) sartu ziran. Taldean gorabehera handiak izan ziran istripu, kartzela-zigor eta Hiesa tarteko. Kide ugari izan ziran urteetan: La Poti (1983-1984), ahotsa; Manolo (1983), bateria; El Pescadilla (1983), baxua; Dieguillo (1994), baxua, Pedro Rock Dam (1994), bateria, Pepino (José Arteaga) (1984-1988), gitarrea; eta, Goar Iñurreta (1991-1994), gitarrea.

Lau disko plazaratu zituan taldeak: Cicatriz en la matriz maketea (1984), Inadaptados (Oihuka, 1986), 4 años, 2 meses y 1 día (Zika Records, 1991), Colgado por ti (Zika Records, 1992) eta En directo (Zika Records, 1994).