'3 kolpetan Freedom', Esne Beltzaren hiru urteotako emoitzea
2011-12-28 10:51 MusikeaEsne Beltza taldeak azken hiru urteotan egindako ibilbidea batu dau 3 kolpetan Freedom (Baga biga) lanean. Hamabost kanta eta hiru kontzertu jaso ditue CD-DVD barrian. Kanten artean, zortzi barriak dira, eta ganerakoak abesti zaharren bersinoak.
Ganbara 'Eguntto batez' disko barriagaz dator, hamasei urteren ostean
2011-12-27 17:56 Musikea Hamasei urteren ostean, Ganbara talde atzera batu da eta Eguntto batez (Agorila) diskoa kaleratu barri dau. Taldearen zazpigarren lana da; kanta zaharren moldaketez eta abesti barriz osotua. Lehengo taldekide izandako Maria Eugenia Etxeberria, Josean Martin, Alex Blasco eta Juan Ezeizaz gan, Xabi Aburruzaga trikitilaria batu da.Euskadiko Orkestra Sinfonikoa eta Kepa Junkera, alkarregaz KlasikAT kontzertu-zikloan
2011-12-26 13:48 MusikeaEuskadiko Orkestra Sinfonikoak KlasikAT ekimenaren kontzertu-ziklo barri atondu dau 2012ko martirako. Danetara, bost emonaldi izango dira, Bilbo, Donostia, Gasteiz eta Iruñean. EOSek Kepa Junkera trikitilaria izango dau lagun kontzertuotan.
'The Tree' diskoa plazaratu dau Xu Jun eta Beñat Fuentes bikoteak
2011-12-23 11:22 MusikeaZortzi pistako grabagailuan grabau eban bikoteak; Xujun da kantaria eta perkusino jotzailea, eta Fuentesek gitarrak, baxua, sintetizadorea, mandolinea eta ukelelea jo ditu, musika eta berbak sortzeaz gan. Kantuak ingelesez abesten ditu bikoteak, baina diskoan bada euskeraz abesturiko kantu bat (Venus dago ederren) eta txinerazko esaldiak tartekatzen ditue beste zenbaitetan.
Charles Chaplinen 'City Lights' filma, Euskal Herriko Gazte Orkestrearen neguko topaketearen ardatz
2011-12-22 09:56 MusikeaCharles Chaplinen City Lights film mutua izango da Euskal Herriko Gazte Orkestrearen neguko topaketen ardatz nagusia, abenduaren 22tik urtarrilaren 5era. Eibarreko hezkuntza-esparruan egingo da topaketea. 2012ko lehenengo kontzertua urtarrilaren 2an egingo dabe, Bilboko Euskalduna Jauregian; hurrengoa, hilaren 3an, Gasteizeko Principal Antzokian; eta, azkenengoa, 4an, Donostiako Kursaal Jauregian.
Sonny Rollins, Joe Lavano eta Joshua Redman saxofoi-jotzaileak, Gasteizeko 36. Jazzaldian
2011-12-21 14:11 MusikeaGasteizeko 36. Jazzaldiko antolatzaileak datorren urteko jaialdiaren egitaraua atontzen hasi dira, eta daborduko bertan joko daben hiru musikariren izenen barri emon dabe: Sonny Rollins, Joe Lavano eta Joshua Redman saxofoi-jotzaileak. 2012ko Gasteizeko Jazzaldia garagarrilaren 15etik 21era bitartean egingo da.
John Talabot, urteko azkenengo Art After Dark egitarauko protagonistea
2011-12-20 17:39 MusikeaSound Djak, Luiminilik eta John Talabotek itxiko dabe 2011ko Art After Dark musika egitaraia Bilboko Guggenheim Museoan, barikuan, hilaren 23an. Kontzertuak 22:00etan hasi eta 01:00etan amaituko dira; entzuleek, musikaz gozeteaz gan, erakusketak ikusteko aukerea be izango dabe.
'Erramunen soinua', umeei trikitixea zer dan azaltzeko istorioa
2011-12-15 11:03 MusikeaBizkaiko Tritikitixa Alkarteak Unai Elorriagak idatzitako umeentzako Erramunen soinua liburua eta diskoa kaleratu barri ditu. Idazle algortarrak personai xelebre batzuei buruzko istorioa sortu dau, trikitixearen nondik-norakoak azaltzeko; nondik datorren, zelan joten dan, zeintzuk erritmo erabilten diran eta abar.
Bilboko 8 eleizatan abesbatzen kontzertuak izango dira abenduaren 15etik 30era
2011-12-14 11:13 MusikeaBasurtu, Abando, Santutxu, Indautxu, Castaños eta Atxuriko zortzi eleizatan Gabonetako Abesbatzen Kontzertuak izango dira abenduaren 15etik 30era. Programea Bilboko Udaleko Kultura eta Hezkuntza Sailak antolatzen dau urtero, Bizkaiko Abesbatzen Alkarteagaz alkarlanean. Aurtengo edizinoan, ekimenak 21 talde alkartuko ditu.
Areetako Ondarreta abesbatzak 'Gabonak munduan' diskoa aurkeztu dau
2011-12-13 14:57 MusikeaGetxoko Areetako Ondarreta abesbatzak Gabonak munduan-La Navidad en el mundo izeneko diskoa aurkeztu barri dau, Getxoko Udalaren laguntzinoagaz. Diskoan igaz abesbatzak Algortako Salbatzailearen eleizan egindako kontzertua jaso dabe.
Pantxoa eta Peio bikoteak etena iragarri dau
2011-12-13 11:29 MusikeaPantxoa Carrere eta Peio Ospital bikoteak euren ibilbide musikalean etena egitea erabagi dabe. Dana dala, hurrengo asteetan kontzertu bi eskainiko ditue, oholtzak itxi orduko: bata, domekan, abenduaren 18an, Itsasun, eta, hilaren 20an, Bilboko Euskaldunan. Bikote lapurtarrak ez dau esan etenaldia noiz arte izango dan.
Cicatriz talde mitikoaren disko guztiak berrargitaratu ditue
2011-12-13 10:42 MusikeaZika records zigiluak argitaratutako disko guztiak eskuragarri ipini barri ditu Oihuka-Elkar etxeak, bai euskarri fisikoan bai euskarri digitalean (spotify, i-tunes eta abar). Natxo Cicatrizek sustatutako diskoetxeak 1990eko hamarkadan kaleratutako lau diskoak deskatalogauta egon dira; orain, berreskuratu, birmasterizau eta berrargitaratu egin ditue
'Rapherria', lehen Euskal Rap Bildumea plazaratu dau infozazpi irratiak
2011-12-02 14:30 MusikeaEuskeraz egiten dan rap musikeari oihartzuna emon eta euskal kulturearen bilakaereari ekarpena egiteko asmoz sortu dau bilduma hau infozazpi irratiak. Euskal Herriko herrialde guztietako 17 taldek parte hartu dabe bilduma honetan. Guztiek euskerazko rap musikea egiten dabe
Igor Otxoak agur esan deutso Oreka Tx proiektuari Quebecen
2011-12-02 11:30 MusikeaHarkaitz Martinez de San Vicente eta Igor Otxoa Oreka Tx-eko kideak Quebecen dagoz egunotan txalapartea eta euskal kulturea bertan ezagutarazoteko asmoz. Bertan emon dau Igor Otxoak Oreka Tx-gaz egingo dauen azkenengo kontzertua.
Bruce Springsteenen Donostiako kontzertuko sarrerak salgai
2011-12-02 10:36 MusikeaBruce Springsteenek 2012ko bagilaren 2an joko dau Donostian, eta gaur, goizeko hamarretan ipiniko ditue salgai sarrerak. Kontzertua Anoetako estadioan izango da. Sarrerak erosteko hainbat bide dagoz: www.ticketmaster.com gunean, 902 150 025 telefonoan, edo Fnac eta Carrefour dendetan.
Kaotikok kalean dauka Bilboko Aste Nagusian grabautako 'X' zuzeneko lana
2011-12-01 17:38 MusikeaKaotiko taldeak zazpigarren diskoa plazaratu dau, X zuzeneko lana, Baga-biga diskoetxeagaz. Aurtengo Bilboko Aste Nagusian grabau eben diskoa, abuztuaren 24an. Orain arte argitaratutako disko guztietatik abesti esanguratsuenak batu ditue, 28 kanta danetara.
Oihan Vegak 'Olentzero&Co' aurkeztu dau Bilbon, euskerazko lehenengo musikal originala
2011-12-01 17:03 MusikeaMusikal moderno eta apurtzailea da Broadway estiloan, oso bizia eta rock-pop doinuakaz. Familia osoarentzako ikuskizuna. Igaz jasotako arrakastearen ostean, (5.000 personatik gora ikusi eben) aurten Bilbon eta Iruñean izango da. Abenduaren 8an, Bilboko Arteria Campos Eliseos antzokian eta abenduaren 27an, barriz, Iruñeako Baluarte auditorioan.
Xabik eta Pettik rock´n´roll zaharraren doinuz atondu dabe diskoa barria
2011-12-01 14:53 MusikeaAspaldi ezagutu arren, eta hamaika bider alkarregaz zeozer egin behar dabela esan ostean, Xabik eta Pettik lortu dabe bat egitea. Bilbon aurkeztu dabe zortzi kantako Xabi ta Petti diskoa, Gaztelupeko Hotsak. Abenduaren 5ean Durangoo Azokan izango dira, Ahotsenean. Ostean, diskoa aurkezteari ekingo deutse. Taberna, areto zein estadioak beteteko prest gagoz, esan dau umoretsu Xabik.
Esan Ozenki diskoetxe historikoak katalogoa digitalizau egin dau lehenengo aldiz
2011-12-01 10:34 MusikeaEsan Ozenkik bere katalogoa erabarritu eta digitalizau egin barri dau. Badira hamar urte Esan Ozeki desagertu zana,eta haren ostean, Metak sortu zan; ha be 2006an zerratu zan. Aurrerantzean, The Orchard banatzaile digitalak hainbat ataritara edegiko dau, 23 gunetara hain zuzen be.
'Azaletatik sustraietara', euskal musikagintzearen 50 urteko ibilbidea azalez azal
2011-11-30 14:01 MusikeaAzaletatik sustraietara. Euskal musikaren azalak 1960-2010 liburuak 60ko hamarkadan hasi eta gaur egunera arteko bidaia musikala eskaintzen deusku, urteotan euskal musikagintzeak sortu dituen diskoen azalez azale. 600 bat azaletan laburtu ditue azkenengo 50 urteak, Xabier Letegaz edo Mikel Laboagaz abiatu, eta Zea Mays edo Gosegaz amaitu.
Barria barria be ez da,ezta?
Baina ona bai! Neure gustokue behintzet! eta aire barriak bai dakaz, tradizinoa eta oraingokoagoa...
»» Xiberoots, talde barria Baga-Bigan